“Cənubi azərbaycanlılar öz dövlətlərini qurmalıdır”

“İrandakı ən böyük güc cənubi azərbaycanlılardır. Artıq zamanı çatıb biz öz dövlətimizi qurmalıyıq”.

Bu sözləri News365.az-ın qonağı olan tanınmış ozan Araz Elsəs deyib. Sənətçi bildirib ki, cənubi azərbaycanlılar birlik yaradıb bərabər ola bisələr bütün istəklərinə çata bilərlər:

“Hazırki, vəziyyətdə biz: cənubi azərbaycanlılar, maksimum nəticə əldə etməliyik. Aza qane olmaq lazım deyil. Bəzi dostlarımız deyir ki, dilimiz rəsmi dil kimi tanınsın bu bizə yetər. Mən bununla razı deyiləm. Hazırda bizim üçün tarixi şans yaranıb. Biz ondan yüksək səviyyədə yararlanmalıyıq. 47 ildir biz dilimiz uğrunda mübarizə apardıq. Qapı-qapı diləndik, lakin özümüzə bir məktəb açdıra bilmədik. Belə tələblərin zamanı bitdi artıq. Bu gün bizim orda ən azı  dövlətimiz olmalıdır. Bunun uğrunda mübarizə aparmaq lazımdır. Biz artıq İrandan ayrılmalıyıq”.