Xəbər
verdiyimiz kimi ölkə başçısının göstərişinə uyğun olaraq gələn ildən etibarən
minimum əməkhaqqı və minimum pensiya yenidən artırılacaq. Bununla bağlı Əmək və
Əhalinin Sosial Müdafiəsi Nazirliyinin noyabrın 1-dək təkliflərini təqdim edəcəyi
gözlənilir. Beləliklə, növbəti ilin büdcə sənədləri çərçivəsində müzakirələrin
davam etdiriləcəyi və maliyyə yükünü hesablanacağı gözlənilir.
Bəs, pensiya
və maaş ilə bağlı yanaşı digər hansı ödənişlər artırıla bilər?
Suala Millət
vəkili Vüqar Bayramov aydınlıq gətirib. News365.az –a açıqlamasında o bildirib
ki, gələn ilin büdcə sənədinə əsasən, gələn dövlət büdcəsinin sosial müdafiə və
sosial təminat xərclərinin 4 milyard 998 milyon manat olacağı proqnozlaşdırılır:
“2024-cü ildə
bu istiqamətə 4 milyard 391 milyon manat ayrılması nəzərdə tutulub. Deməli, gələn
sosial xərclər 14 faiz artırılacaq. İlkin sənəddə sosial müdafiə və sosial təminat
xərclərinin stukturu qeyd edilməsə də əlavə etmək lazımdır ki, sosial sektora vəsaitlərin
böyük qismi Dövlət Sosial Müdafiə Fondunun xətti ilə yönəldilir. Yəni, sözügedən
büdcə maddəsində nəzərdə tutulandan daha çox vəsait sosial sferaya yönəldilir”.
News365.az