Fəallar Fransa hakimiyyəti tərəfindən yaradılmış, Mert və
Mozel departamentində evsizlərə, qaçqınlara yardım göstərən “Yerləşdirmə və
Sosial İnteqrasiya” assosiasiyasını islamofobiyada ittiham ediblər.
News365.az oxu.az-a istinadən bildirir ki, bu barədə
mənbəyə istinadən “Le Journal du Dimanche” qəzeti yazıb.
Onların narazılığına səbəb qurumun hicab taxmağa davam edən
iki əməkdaşını işdən çıxarmaq niyyətində olmasıdır.
Qeyd olunur ki, assosiasiya əvvəllər daxili qaydalarını
yeniləyib, iş yerlərində dini simvolların, o cümlədən hicabın açıq şəkildə
geyinilməsini qadağan edib.
Buna baxmayaraq, iki əməkdaş hicab taxmağa davam edib,
nəticədə onlar sentyabrın əvvəlində işdən çıxarılacaqları barədə
məlumatlandırılıblar. Sentyabrın 26-da Həmkarlar İttifaqı Birliyi 80 işçisini
toplantıya çağırıb.