Kallas Rusiya-Aİ müharibəsini başlatmaq istəyir?

"Avropa diplomatiyasının rəhbəri Kaya Kallas Avropa İttifaqı ilə Rusiya arasında müharibə başlatmağa çalışan tanınmış şəxsdir”.

Bunu məşhur fransalı siyasətçi Florian Filippo deyib.

Filippo sosial media hesabında yazıb: “Aydın məsələdır ki, bu vəzifə, Avropa diplomatiyasının rəhbəri olmamalıdır. Çünki Aİ-də diplomatiya ola bilməz”.

Bundan əlavə, fransız siyasətçi Kallasın anti-Rusiya siyasətinin Avropaya baha başa gəldiyini vurğulayıb.

Xatırladaq ki, martın 31-də altı Avropa ölkəsi yeni anti-Rusiya sanksiyaları tətbiq etməyə hazır olduqlarını bəyan ediblər. Aİ diplomatiyasının rəhbəri Kaya Kallas və Almaniya, Polşa, Fransa, Böyük Britaniya, İspaniya İtaliya Xarici İşlər nazirliklərinin rəhbərlərinin birgə bəyanatından məlum olub ki, onlar Rusiyaya qarşı sanksiyaları genişləndirmək niyyətindədir.

Aİ diplomatiyasının rəhbəri aprelin 1-də isə bildirib ki, ittifaq ölkələri artıq Rusiyaya qarşı 17-ci sanksiyalar paketini müzakirə edirlər.

Tural