"Bütün sosial media hesablarımı vəkillərə təhvil vermişəm"- Nigar Fərhad

Dünən verilişində işlətdiyi ifadəyə görə cəzalandırılan Nigar Fərhad yeni paylaşım etdi.

News365.az xəbər verir ki, məşhur aparıcı Nigar Fərhad dünən verilişində səsləndirdiyi fikirlərə görə cəza aldıqdan sonra sosial şəbəkələrdə yeni açıqlama yayıb.

O, paylaşımında bildirib ki, bütün sosial media hesablarını vəkillərinə təhvil verib və hazırda onlar direkt mesajlarını araşdırırlar.

Nigar Fərhad qeyd edib ki, ona qarşı təhqiramiz ifadələr işlədən hər kəsə qarşı hüquqi tədbirlər görüləcək. O, sadəcə öz fikrini ifadə etdiyini və heç bir qanunu pozmadığını vurğulayıb.

Aparıcı, həmçinin, izləyicilərinin reaksiyalarını izləmək üçün onlara “yaşıl işıq” verdiyini və bundan sonra məsələ ilə bağlı hüquqi müstəvidə addımlar atacağını açıqlayıb.