Bu vəzifələr hələ də öz sahiblərini gözləyir- SİYAHI

Azərbaycanda dövlət idarəetmə strukturlarında mütəmadi olaraq kadr islahatları aparılır. Bunun nəticəsidir ki, bir sıra yüksək vəzifələri tutan məmurlar vəzifələrindən azad olunublar. Onlardan bəziləri başqa vəzifələrə təyin olunsalar da, birdəfəlik kreslosu ilə vidalaşanlar da az deyil.

Maraqlıdır ki, bir sıra məmurlar vəzifələrindən azad edilsələr də, onların yerinə hələlik təyinat olmayıb.

News365.az boş qalan məmur kreslolarının siyahısını təqdim edir:

Naxçıvan MR Ali Məclisinin sədri

Naxçıvan Muxtar Respublikası Ali Məclisinin sədrinin kreslosu da bir neçə ildir ki, boşdur. Vasif Talıbov 21 dekabr 2022-ci il tarixdə bu vəzifədən istefa verib.Artıq 4 ilə yaxındır ki, bu vəzifə öz sahibini gözləyir.

Qeyd edək ki, hazırda Ali Məclisin sədri vəzifəsini sədrin birinci müavini Bəxtiyar Məmmədov icra edir.

Qaradağ rayon İcra Hakimiyyəti

Bakı şəhəri Qaradağ Rayon İcra Hakimiyyətinin başçısı Süleyman Mikayılovun vəzifəsindən azad edilməsindən altı ay ötür. 2026-cı il yanvarın 30-da Prezident İlham Əliyevin sərəncamı ilə vəzifəsindən azad edilən 64 yaşlı sabiq icra başçısından sonra rayona hələ də yeni rəhbər təyin olunmayıb. Hazırda Qaradağ Rayon İcra Hakimiyyəti başçısının səlahiyyətlərini birinci müavin Emil Abbasov icra edir.

Gədəbəy rayon İcra Hakimiyyəti

2022-ci ilin avqustunda Gədəbəy Rayon İcra Hakimiyyətinin başçısı təyin edilən Orxan Mürsəlov ötən ilin noyabrında Göyçay Rayon İcra Hakimiyyətinə başçı göndərilib. Hazırda Gədəbəydə icra başçısı vəzifəsini birinci müavin Natiq Nağıyev icra edir.

Sədərək rayon İcra Hakimiyyəti

Ölkə başçısının sərəncamına əsasən Naim Etibar oğlu Cahidzadə 4 avqust 2026-cı ildə Naxçıvan Muxtar Respublikası Sədərək Rayon İcra Hakimiyyətinin başçısı vəzifəsindən azad edilib. Onun yerinə hələlik təyinat yoxdur..

Naftalan şəhər İcra Hakimiyyəti

Ötən ilin noyabrında Naftalan Şəhər İcra Hakimiyyətinin başçısı Vüqar Novruzov Göygöl Rayon İcra Hakimiyyətinin başçısı təyin edilib. Şəhərə hələlik yeni rəhbər təyin olunmayıb. İcra Hakimiyyətinin başçısı səlahiyyətlərini müvəqqəti olaraq başçının müavini – Sosial-iqtisadi, memarlıq-tikinti məsələləri və şəhər təsərrüfatı şöbəsinin müdiri Məmmədov Arzu Alay oğlu icra edir.

Ağdərə rayon İcra Hakimiyyəti

2023-cü il dekabrın 5-də Prezident İlham Əliyevin sərəncamı ilə Ağdərə Rayon İcra Hakimiyyəti yaradılıb. Qərarda Nazirlər Kabinetinə Ağdərə Rayon İcra Hakimiyyətinin fəaliyyətinin təşkili məqsədilə zəruri maliyyə vəsaitinin ayrılması və inzibati bina ilə təmin olunması üçün bir ay müddətində tədbirlər görməsi tapşırılıb. İcra Hakimiyyətinə hələlik başçı təyin olunmayıb.

Dövlət Dəniz Akademiyasının rektoru

Azərbaycan Dövlət Dəniz Akademiyası da rektorsuz universitetlər sırasındadır. Ali təhsil müəssisəsinin rektoru Heydər Əsədov parlamentin deputatı seçildikdən sonra vəzifəsindən azad edilib. Qüdrət Qurbanov əvəz edir.

Naxçıvan Müəllimlər İnstitutunun rektoru

Naxçıvan Müəllimlər İnstitutunun rektoru Azad Novruzov da Ali Məclisin deputatı seçildiyi üçün vəzifəsini itirib. O, oktyabrın 27-də vəzifəsindən azad edilib.

News365.az