Bayden kabinetə Tramp üçün vida məktubu qoyacaq - "CNN"

ABŞ prezidenti vəzifəsini tərk edən Cozef Bayden formalaşmış ənənəyə uyğun olaraq varisi Donald Trampa vida məktubu hazırlamağı planlaşdırır. Bu barədə CNN məlumat yayıb.

“Prezident Cozef Bayden son dəfə vəzifəsini tərk etməzdən əvvəl yeni seçilmiş prezident Donald Trampa məktub yazmağı planlaşdırır”, – məqalədə deyilir.

Telekanalın məlumatına görə, müasir ənənə gedən liderin Oval kabinetdə yeni gələn rəhbər üçün məktub qoymasını nəzərdə tutur. Qeyd edilir ki, Tramp 2021-ci ildə vəzifəsini tərk edərkən Bayden üçün də eyni şeyləri etmişdi. Mesajların məzmunu heç vaxt açıqlanmır. Lakin CNN mənbəyi Trampın məktubunu “olduqca səxavətli” adlandırıb.

Xatırladaq ki, Tramp ötən ilin noyabrın 5-də ABŞ-də keçirilən prezident seçkilərində inamlı qələbə qazanıb. Onun yanvarın 20-də keçirilən andiçmədən sonra təkcə xarici siyasət, diplomatiya ilə bağlı deyil, iqtisadiyyat və daxili siyasətlə bağlı da inqilabi dəyişikliklər edəcəyi gözlənilir.

Tural