Asəf Əhmədovun həbs müddəti uzadıldı

Məhkəmə Gəncə Regional İcma Mərkəzinin rəhbəri Asəf Əhmədovun həbs müddəti uzadılıb.

News365.az xəbər verir ki, bu barədə qərar Binəqədi Rayon Məhkəməsində verilib.

Qərara əsasən, Asəf Əhmədov barəsində olan həbs qətimkan tədbiri 3 ay müddətinə uzadılıb.

Qeyd edək ki, Azərbaycanda fəaliyyət göstərən bir sıra qeyri - hökumət təşkilatları ilə bağlı Baş Prokurorluğun İstintaq İdarəsində araşdırma aparılıb.
Sözügedən məsələ ilə bağlı saxlanılan şəxslər Cinayət Məcəlləsinin 192.2.2, 213.1, 308.2 və digər maddələri ilə ittiham olunur.