Ağdaşda 23 yaşlı şəxs əmisini bıçaqlayıb
Hadisə
05 Apr 2025 13:27
Ağdaşda 23 yaşlı şəxs əmisi ilə mübahisə zamanı onu bıçaqlayıb.
News365.az xəbər verir ki, Ağdaş rayonunun Birinci Aral kəndində bıçaqlanma hadisəsi baş verib. İlkin məlumatlara görə, 23 yaşlı Rəhim Kərimov şəxsi münasibətlər zəminində əmisi, 56 yaşlı Nəriman Kərimovla yaşadığı evdə mübahisə edib və münaqişə zamanı ona kəsici alətlə xəsarət yetirib.
Daxili İşlər Nazirliyindən verilən məlumata əsasən, hadisəni törətməkdə şübhəli bilinən şəxs saxlanılıb. Faktla bağlı müvafiq ekspertiza təyin olunub, araşdırmalar davam etdirilir.
