ABŞ səmasını iflic edən nasazlığın səbəbi üzə çıxdı

ABŞ-də ölkənin bütün hava limanlarından uçuşlara tətbiq edilən qadağanın aradan qaldırılmasından sonra hava nəqliyyatı tədricən normal fəaliyyətinə qayıdır.

News365.az xəbər verir ki, bu barədə ABŞ-nin nəqliyyat naziri Şon Daffi "X" sosial şəbəkəsində paylaşım edib.

Daffi bildirib ki, aviareyslərin icrası bərpa olunub və uçuşlar təhlükəsizdir.

"Biz bərpa prosesinə dəstək vermək üçün aviaşirkətlərlə sıx əməkdaşlıq edirik. Hələ də bəzi reyslərdə gecikmələr və ləğvlər olacaq. Çünki aviadaşıyıcılar təyyarələri və uçuş heyətlərini ən çox ehtiyac duyulan istiqamətlərə yönləndirmək üçün uçuş cədvəllərində dəyişiklik edirlər", - deyə nazir əlavə edib.