5 italiyalı dalğıcın ölümü araşdırılır

Maldiv adaları hüquq-mühafizə orqanları ötən həftə dərin sualtı mağarada həyatını itirən beş italiyalı dalğıcın ölümü ilə bağlı araşdırmaları davam etdirir. 

News365.az xarici mediaya istinadla xəbər verir ki, istintaq çərçivəsində bir neçə mümkün amil nəzərdən keçirilir. Araşdırılan əsas versiyalardan biri dalğıcların planlaşdırıldığından və ya təhlükəsiz hesab edilən həddən daha dərinə enməsi ehtimalıdır.

Rəsmilər hadisənin başvermə şəraitini müəyyənləşdirmək üçün texniki məlumatları, dalış avadanlıqlarını və marşrut detallarını araşdırırlar.

Hadisə ilə bağlı əlavə məlumat verilməyib.