18 il əvvəl bu qərar verilsəydi, bu gün Netflix yox idi

18 il əvvəl bu qərar verilsəydi, bu gün nəhəng Netflix olmaya bilərdi

2007-ci ilin sonlarında Netflix "The Netflix Player" adlı öz yayım cihazını bazara çıxarmağa hazırlaşırdı. Bu cihaz, TV Box kimi işləyən və Netflix-in məzmunlarını birbaşa televizorlara ötürən bir qurğu idi. Lakin satışa bir neçə həftə qalmış, şirkətin CEO-su Reed Hastings bu qərardan geri çəkildi.

Hastings başa düşdü ki, əgər Netflix öz cihazını istehsal edərsə, Apple TV və digər oxşar platformalarla rəqib olacaq. Bu da Netflix-in Apple kimi ekosistemlərdə əlçatan olmasını çətinləşdirəcəkdi. Nəticədə, şirkət bu cihazı bazara çıxarmaqdan imtina etdi və onu Roku şirkətinə təhvil verdi.

Əgər Netflix həmin vaxt bu addımı atsaydı, bu gün bildiyimiz nəhəng platforma mövcud olmaya bilər və ya tamam fərqli bir istiqamətdə inkişaf edərdi.