Yeni il ziyafətlərində qida zəhərlənməsindən necə qorunmaq olar?

Yeni il bayramı yaxıınlaşır. Və insanlar artıq hazırlıqlara başlayıb. Hər kəs çalışır ki, yeni ili bol süfrə ilə qarşılasın. Amma bunu etməzdən əvvəl sağlamlığınıza zərər verməmək üçün hansı qidaları əvvəlcədən almamalı olduğunuzu bilməniz vacibdir.

Bayramlar üçün qida hazırlayarkən və ya hazırlanmış yeməkləri saxlayarkən unutmayın ki, əgər onlar uyğun olmayan şəraitdə saxlanılırsa, patogen mikroorqanizmlər tərəfindən çirklənmə riski yüksəkdir və bu da qida zəhərlənməsinə səbəb ola bilər.

Bəs hansı qidaların patogen çirklənmə riski  yüksəkdir?

1.     Pasterizə olunmamış süd,

2.     Çiy yumurta,

3.     Pasterizə olunmamış süddən hazırlanmış yumşaq pendirlər,

4.     Çiy ət, balıq, dəniz məhsulları,

5.     Ev şəraitində konservləşdirilmiş məhsullar,

6.     Qaymaqla doldurulmuş xəmir xörəkləri.

Ona görə də ev şəraitində qida zəhərlənməsinin qarşısını almaq üçün ilk öncə gigiyenaya diqqət etmək lazımdır. Əlləri və mətbəx səthlərini təmizləmək, ət, balıq, meyvə, tərəvəz və hazırlanmış qidalar üçün doğrama lövhələrini və bıçaqları ayırmaq, çiy qidaları istehlakdan əvvəl düzgün bişirmək, istifadə müddətinə baxmaq vacibdir. Əgər yemək normaldırsa, amma yeməyin görünüşü və ya qoxusu narahatedicidirsə, onu atmaq ən yaxşısıdır.

Yaxşı olar ki, bayram yeməklərini yalnız sifarişlə müntəzəm olaraq hazırlayan restoran və kafelərdən seçəsiniz. Yeməyin keyfiyyəti şübhə altındadırsa, dəyişdirilməsini istəməkdən çəkinməyin.

News365.az