Ukrayna Rusiyanın obyektlərinə zərbələr endirmək üçün “Flamingo” raketlərindən istifadə edir

Ukrayna Rusiyanın enerji obyektlərinə zərbələr endirmək üçün FP-5 “Flamingo” qanadlı raketlərindən istifadə etməyə başlayıb.

News365.az xəbər verir ki, bu barədə mənbələrə istinadən “The Economist” məlumat verib.

Bu raketlərin pilotsuz təyyarələrdən qat-qat sürətli olduğu, yerdən 50 metr hündürlükdə uçduğu, 3000 km-dən çox mənzilə sahib olduğu və 1150 kq döyüş başlığı sayəsində çox böyük zərbə gücünə malik olduğu qeyd edilir.

"Əgər FP-5 Rusiyanın hava hücumundan müdafiə sistemlərinə nüfuz edə biləcəyini sübut etsə, bu, Ukraynanın "DeepStrike" şirkətini yeni dağıdıcılıq səviyyəsinə qaldıracaq. Raketin uçuş məsafəsi ona hədəfinə doğru daim dəyişən vektorlarla uçaraq müdafiəni aldatmağa imkan verir", - məlumatda deyilir.

Məqalədə qeyd edilir ki, “Flamingo” raketləri sovet dövründə təkrar emal edilmiş turbofan mühərriklərindən istifadə edilməklə hazırlanıb və karbon lifli gövdənin istehsalı cəmi altı saat çəkir.