Türkiyədə saxta gözətçi vətəndaşları aldadı - həqiqi gözətçilər tərəfindən saxlanıldı

Osmaniyedə özünü gözətçi kimi təqdim edərək vətəndaşlardan pul tələb edən şəxs patrul xidmətində olan əsl gözətçilər tərəfindən yaxalanıb.

News365.az xəbər verir ki, hadisə gecə saatlarında şəhər mərkəzində baş verib. Şübhəli hərəkətləri ilə diqqət çəkən şəxs patrul gözətçiləri tərəfindən saxlanılıb. Üzərində rəsmi formaya bənzər geyim olan şəxsin əslində gözətçi olmadığı müəyyən edilib.

Araşdırma zamanı məlum olub ki, həmin şəxs daha əvvəl də eyni üsulla vətəndaşları aldadaraq onlardan pul alıb. O, polis idarəsinə aparılıb və barəsində “dövlət qulluqçusu adı ilə dələduzluq” maddəsi üzrə cinayət işi başlanıb.

Real gözətçilərin suallarını cavablandıran şübhəlinin “Qardaşım gözətçidir, formam yuyulurdu deyə bunu geyindim” deməsi isə təəccüb doğurub.

Hadisə ilə bağlı araşdırmalar davam edir.

News365.az