Türkiyə MB faiz dərəcəsini yenə endirdi

Türkiyə Mərkəzi Bankı əsas faiz dərəcəsini 47,5%-dən 45%-ə endirib.

News365.az xəbər verir ki, bu barədə bankın saytında məlumat verilib.

2024-cü ilin dekabr ayının sonunda Türkiyə Mərkəzi Bankı əsas dərəcəsini demək olar ki, iki ildən sonra ilk dəfə - 50%-dən 47,5%-ə endirmişdi.

Türkiyə Mərkəzi Bankı 2024-cü ilin mart ayından etibarən əsas faiz dərəcəsini 50% səviyyəsində saxlamışdı.

Türkiyədə illik inflyasiya dekabrın sonunda bir ay əvvəlki 47,09%-dən 44,38%-ə enib.

Yada salaq ki, Türkiyə prezidenti Rəcəb Tayyib Ərdoğan bundan əvvəl ölkənin yüksək inflyasiyanın davamlı və əhəmiyyətli dərəcədə azalma dövrünə qədəm qoyduğunu bəyan etmişdi.