Tailanddan qayıdan rusiyalı qadın özü ilə timsah başı gətirdi

Rusiyada maraqlı hadisə baş verib. Federal Gömrük Xidmətinin yaydığı məlumata görə, Novosibirskdə Tailanddan gələn turistin çantasında qurudulmuş timsah başı aşkarlanıb. O, bu qeyri-adi yükü qaçaqmalçılıq yolu ilə keçirməyə cəhd edib. 

Qurumdan verilən məlumata görə, yaşıl dəhlizdə axtarış aparılarkən qadının çamadanında timsah başının aşkarlanması hər kəsi heyrətləndirib. Qadın iddia edib ki, sadəcə mağazaların birindən qeyri-adi suvenir alıb və özü üçün evə gətirmək qərarı verib. Lakin o, bu cür yükün əvvəlcədən elan edilməli olduğunu bilmirmiş.

Timsah başı qadından müsadirə olunub. Gömrükçülər həmçinin “malların bəyan edilməməsi” və “qadağa və məhdudiyyətlərə əməl etməmə” maddələri ilə iki inzibati iş başladıblar. Qadını bir neçə cərimə gözləyir və o. suvenir dediyi timsah başını geri ala bilməz.

Tural