Stansiyada dəhşət: Bıçaqla 8 nəfəri yaraladı

Almaniyanın Hamburq şəhərində yerləşən əsas dəmiryol vağzalında baş vermiş bıçaqlı hücum nəticəsində azı səkkiz nəfər yaralanıb.

Bu barədə "Bild" qəzeti məlumat yayıb.

Nəşrin məlumatına görə, zərərçəkənlərdən bəzilərinin vəziyyəti ağırdır. Almaniya Federal Polisi hadisədə şübhəli bilinən qadını saxlayıb.

Hamburq polisi şəhərin əsas qatar stansiyasında “böyük polis əməliyyatı” barədə məlumat verib.