"Şapka Mamed" də belə getdi....

Ötən həftə xəbər yayıldı ki, Azərbaycanda bir qrup sahibkarın kənd təsərrüfatına yönəldiləcəyi adı ilə dövlətə məxsus “Aqrarkredit” (Bank olmayan kredit təşkilatı) QSC-dən külli miqdarda kredit götürdüyü üzə çıxıb.

Və ən maraqlısı da odur ki, 100 milyondan artıq kreditin bir hissəsini “Aqrarkredit” şefi Məmməd Musayevin qardaşı oğlu sahiblənib.

Yəqin ki, qalan hissəsini də Məmməd müəllim yaxın çevrəsinə peşkəş edib.

Bu məsələ çiddi rezonans doğurub. Və müxtəlif fikirlər səslənir.

İqtisaddçı Əkərəm Həsənov məsələ ilə bağlı maraqlı fikirlər səsləndirib.

O, bildirib ki, illərdir ki, Elman Rüstəmovun dostu olan bu adamın mənfi fəaliyyəti haqda yazıram:

“Bank sistemimizin ağası elə bu iki nəfər idi. Rüstəmov 4 il əvvəl getdi, amma "Bank Mamed" daha dayanıqlı idi. O, nəinki dövlətə məxsus “Aqrarkredit”-in rəhbəri idi və Sahibkarlar Konfederasiyasının prezidentidir, həmçinin "Turanbank"ın da faktiki sahibi kimi tanınır (mətbuatda kifayət qədər yazı var və təkzib olunmayıb). Bu həmin "Turanbank"dır ki, bir ildən çoxdur ki, hüquqlarını müdafiə etdiyim şəxsin oradakı əmanətini ala bilmirik. Bu barədə də dəfələrlə yazmışam: bank deyir ki, guya əmanəti qaytarıb, amma heç bir təsdiqedici sənədi yoxdur.

Belə də bank olar?

 Son illər ərzində bank sisteminin, əmanətlərin təminatlı olmasının nüfuzuna bu bank kimi zərər vuran olmamışdı. Təklif edirəm ki, bu bankda da yoxlamalar aparılsın. Ekspert kimi pulsuz dəstək olmağa hazıram. Əmanəti qaytardığını sübut edə bilməyən bankda yəqin ki, bundan da böyük pozuntular var. “Aqrarkredit”lə də münasibətləri təftiş etmək lazımdır...”

News365.az