Kremldən Yeni Qərar: Miqrantlar üçün hazırlıq dövri başlayır
Rusiyada əmək miqrantları ilə bağlı siyasətdə yeni mərhələ start götürür. Ölkədə miqrasiya qaydalarını addım-addım sərtləşdirən Rusiya Prezidenti Vladimir Putin bu dəfə prosesin daha nizamlı təşkili üçün hökumətə xüsusi tapşırıq verib. Məqsəd miqrantların ölkəyə gəlməzdən əvvəl Rusiya cəmiyyətinə və əmək bazarına inteqrasiyasını təmin etməkdir.
Mövzu ilə bağlı əsas detallar aşağıdakı kimidir:
Mənşə Ölkələri İlə Birgə Əməkdaşlıq: RİA Novosti-nin məlumatına görə, Putin DİN rəhbərinin birinci müavini və Miqrasiya Xidmətinin rəhbəri Andrey Kikot ilə görüşündə bildirib ki, miqrantların gəldiyi dövlətlər də bu insanların Rusiyada yaşamağa və işləməyə hazırlanmasında marqlıdırlar.
Dil və Təhsil Amili: Dövlət başçısı xüsusilə miqrantların uşaqlarının təhsili və onlara rus dilinin öyrədilməsinin vacibliyini qeyd edib. Putinin fikrincə, bu təməl prosedurlar olmadan sağlam və normal miqrasiya mühiti yaratmaq mümkün deyil.
Məsələ Bütün Hökumətin Öhdəliyindədir: Rusiya lideri vurğulayıb ki, bu genişmiqyaslı iş yalnız Miqrasiya Xidmətinin üzərinə buraxıla bilməz, prosesə bütün hökumət strukturları cəlb olunmalıdır.
Qeyd edək ki, bu tapşırıq Rusiyada əmək miqrantlarına qarşı tələblərin sərtləşdirilməsi fonunda diqqət çəkir və miqrasiya axınının daha sistemli idarə olunmasına yönəlib.
News365.az
