Ruslar Xarkov istiqamətində irəliləyiblər

Rusiya döyüşçüləri Ukraynanın Xarkov vilayətinin Kondraşovka ərazisinin cənub-qərb və cənub istiqamətlərində sistemli şəkildə irəliləyir. Bu barədə hərbi ekspert Andrey Maroçko yerli mediaya açıqlamasında məlumat verib.

"Kondraşovka kəndinə gəlincə, biz hələ də bu kəndin ətrafındayıq və sistematik olaraq cənub-qərb, cənub istiqamətində hərəkət edirik",- o deyib.

Hərbi ekspertin fikrincə, Rusiya Silahlı Qüvvələri ərazinin ətrafında güclənməklə mövqelərini möhkəmləndirdikdən sonra bölgəyə əlavə qüvvələr cəlb etmək və cəbhə xəttinə fasiləsiz təchizatı təmin etmək lazım gələcək. Maroçko yaxın vaxtlarda rus əsgərlərinin təzyiqlərinin artacağını qeyd edib.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural