"Qəzzada 142 mindən çox insan məcburi köçkünə çevrildi"- BMT
Dünya
05 Apr 2025 17:14
İsrailin ötən ay Qəzza zolağında hava hücumlarını bərpa etməsindən sonra 142 mindən çox insan öz evini tərk etməyə məcbur olub.
News365.az xəbər verir ki, bu barədə BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyindən (UNRWA) bildirilib.
Məlumata görə, atəşkəsin pozulması yeni köç dalğası ilə nəticələnib.
Qəzza zolağında müharibə dövründə ümumilikdə təxminən 1,9 milyon insan, o cümlədən minlərlə uşaq bombardmanlar, qorxu və itkilər fonunda məcburi köçkünə çevrilib.
Qeyd edək ki, İsrail ordusunun sözügedən bölgəyə son hücumları nəticəsində 24 saat ərzində daha 60 nəfər ölüb.
