Qalmaqal BÖYÜYÜR: "Ərin varsa, gəlsin.."

Xəbər verdiyimiz kimi, müğənni Səidə Sultan ilə aparıcı Tarix Əliyev (Tolik) arasında ötən gündən başlayan mübahisə sosial şəbəkələrdə geniş müzakirələrə səbəb olub.

News365.az-ın məlumatına görə, tərəflər bir-birinə ünvanlanmış videolar paylaşaraq qarşı tərəfi tənqid və ittiham ediblər. Tolik Səidəni narkotik maddələr istifadə etməkdə suçlayaraq, müalicə aldığını iddia edib. Aparıcı həmçinin onun toy haqqında sözlərinə də toxunub:
"Yalandan toy etdin ki, ərin var. Ərin varsa, gəlsin. Amma yoxdur".

Səidə isə videoda cavab verərək, qolundakı iynə izlərinin başqa bir xəstəlikdən müalicə aldığını açıqlayıb. O, həmçinin Tolikin davranışlarını sərt tənqid edib:

"Görürsünüz, biz bu gün kimlərin əlində oynayırıq? Bu, neçə ildir belə davam edir. Tolik girib şou-biznesə, hamını qorxudur. Mən isə çəkinmirəm, yaltaq deyiləm. Səni kim salıb bu camaatın içinə? Mən sərbəst qızam, açıq geyinmişəm, amma heç vaxt kiminsə ailəsinə söz-söhbət salmamışam. Sənin normal yaşayış tərzin yoxdur, insanları hədələyirsən, uzaqlaşdım. Heç kimin həyatına zərər verməmişəm".

Qeyd edək ki, Səidə əvvəlcə verilişlərdə yaşanan xoşagəlməz halları sosial şəbəkədə paylaşaraq aparıcıları sərt tənqid etmişdi. Bundan sonra Toliklə ifaçı arasında gərginlik artıb və Tolik Səidəni polisə şikayət edib. (Milli.az)