Paşinyan 28 yaşlı xanımı özünə köməkçi təyin etdi

Ermənistanın Baş naziri Nikol Paşinyan Tatevik Martirosyanı özünə köməkçi təyin edib.

News365.az Ermənistan KİV-nə istinadən xəbər verir ki, bununla bağlı qərar Ermənistan hökumətinin e-gov.am saytında dərc olunub.

Tatevik Martirosyan 19 fevral 1998-ci ildə Ermənistanın Aparan şəhərində anadan olub.

O, 2015–2019-cu illərdə İrəvan Dövlət Universitetinin Hüquq fakültəsində təhsil alıb və hüquq üzrə bakalavr dərəcəsi əldə edib. Martirosyan universiteti fərqlənmə ilə bitirib. 2019–2021-ci illərdə İrəvan Dövlət Universitetinin Hüquq fakültəsinin magistraturasında “Biznes hüququ” ixtisası üzrə təhsil alıb və magistr dərəcəsini fərqlənmə ilə əldə edib.

2021–2024-cü illərdə isə İrəvan Dövlət Universitetinin aspiranturasında “Mülki hüquq” ixtisası üzrə təhsil alıb. Elmi araşdırmasının mövzusu Ermənistanda kriptoaktivlərin hüquqi tənzimlənməsi olub.

Martirosyan əmək fəaliyyətinə də hüquq sahəsində başlayıb. “Aratta Consulting” MMC-də və Ermənistan Dövlət Gəlirləri Komitəsində hüquqşünas vəzifəsində işləyib.