Oyundan əvvəl babasının ölüm xəbərini aldı

İspaniyanın “Barselona” komandasının futbolçusu Erik Qarsiya “Atletiko Madrid” klubu ilə oyundan əvvəl babasının ölüm xəbərini alıb.

News365.az “DAZN”a istinadən xəbər verir ki, futbolçu pis xəbəri Madrid şəhərinə səyahət etməmişdən əvvəl komandanın avtobusunda alıb.

Komanda yoldaşları və baş məşqçi oyunçuya təsəlli verib. Erik Qarsiya aldığı xəbərə baxmayaraq oyunda iştirak etmək istədiyini və “Barselona”ya qələbə qazanmağa kömək etmək istədiyini bildirib.

Qeyd edək ki, oyun Barselonanın 2-1 hesablı qələbəsi ilə yekunlaşıb.