Neftçi paraqvaylı vinqerin transferinə hazırlaşır

Azərbaycanın "Neftçi" futbol klubu daha bir legioner transferinə yaxındır.

News365.az xəbər verir ki, paytaxt təmsilçisinin yeni oyunçusu Paraqvaylı cinah hücumçusu Luis Ortis ola bilər. 25 yaşlı futbolçu artıq Bakıya gəlib və tibbi müayinədən keçməlidir. 

Müayinə uğurla başa çatarsa, onunla rəsmi müqavilə imzalanacaq.

Qeyd edək ki, Luis Ortis indiyədək yalnız vətəni Paraqvayda çıxış edib. Onun son klubu "Ameliano" olub.