Nafiz Alim Qasımovu tənqid etdi - Alimin cavabı

Xanəndə-qəzəlxan Ağakərim Nafiz Xalq artisti Alim Qasımovu tənqid edib.

Qəzəlxan APA-ya müsahibəsində Alim Qasımovun yerdə düz otura bilmədiyini xatırladıb:

"Mən çoxdandır Alimi tənbeh etmirəm. Cavan vaxtı tövsiyələrimi dinləyirdi. Sonra Xalq artisti oldu, məşhurlaşdı, ona görə də heç nə demirəm. Muğam ifa edərkən oturmağın da öz qaydası var. Məsələn, Alim düzgün oturmur, çünki bunu ona öyrətməmişəm. Qəsdən öyrətmədim, ona görə ki, o, artıq elə şeyləri başqalarından öyrənməyə başlamışdı. O, yerdə düz oturmur. Qafqaz xanəndəsi elə oturmaz. O, iranlıların oturma formasıdır. O, oturaq xalqlara aiddir, biz isə tərəkəməyik. Biz diz üstündə oturmalıyıq".

News365.az xəbər verir ki, bu barədə Xalq artisti Alim Qasımov məsələyə münasibət bildirib. Xanəndə Ağakərim Nafizlə yaxın dost olduğunu vurğulayıb:

"Ağakərim bizim qardaşımızdır. Nə deyirsə, düz deyir, əcəb edir. Amma otura bilirəm”.