BƏƏ İrandakı səfirliyini bağladı

Birləşmiş Ərəb Əmirlikləri (BƏƏ) İrandakı səfirliyini bağlayaraq bütün diplomatik heyətini geri çəkdiyini açıqlayıb.

News365.az xəbər verir ki, BƏƏ bu qərarı İranın hücumları səbəbindən qəbul edib.

Bildirilib ki, İran BƏƏ-də məskunlaşma sahələri, hava limanları, limanlar və xidmət obyektləri daxil olmaqla sivil obyektlərə hücumlar həyata keçirib. Bu hücumlar sivillərin həyatını təhlükəyə ataraq məsuliyyətsiz bir gərginliyə səbəb olub.

İranın hücumlarının BƏƏ-nin milli suverenliyini açıq şəkildə pozduğu, beynəlxalq hüquq və BMT Nizamnaməsinə zidd olduğu vurğulanıb.

BƏƏ-nin diplomatlarını geri çəkməsi qərarı, dövlətin təhlükəsizliyini və suverenliyini təhdid edən hər hansı bir aqressiyanı rədd etmək mövqeyinin qəti və sarsılmaz göstəricisidir.