Mülkləri yanan Hollivud ulduzlarına Rusiyada ev və iş təklif edilir

Rusiyada maraqlı video gündəmə çevrilib. Görüntülərdə məşhur Hollivud aktyorlarına Kaliforniyadakı yanğınlardan xilas olmaq üçün Rusiyaya gəlmək təklif olunur. İnternetdə yayılan yumoristik videonu ilk olaraq “SIGNAL” nəşri dərc edib.

Video Kaliforniyada evlərini itirmiş məşhurlara müraciətlə başlayır. Kadrlarda deyilir ki, “Lenfilm” studiyası “istedadlı şəxsləri axtarır”. Ulduzlara söz verilir ki, Rusiyada layiqli iş tapacaqlar və kosmosa uçmaq şansı əldə edəcəklər. (Rusiya kosmosda ilk dəfə film çəkərək aktrisanı kosmik stansiyaya daşıyıb-red.) Hollivud məşhurlarına Finlandiya körfəzi sahillərində rus hökmdarlarının istirahət etdiyi tarixi məkanda hektarlarla torpaq sahəsi olan ev almaq imkanı da təklif olunur.

Video Kaliforniyada baş verən yanğınların görüntülərindən, həmçinin Rusiya təbiətinin və Sankt-Peterburq küçələrinin gözəl mənzərələrindən ibarətdir.

Tural