Göygöl rayonunun yeni İcra hakimiyyəti başçısı Şərurlu İsfəndiyardan nə istəyib? - ƏTRAFLI

İş adamı Şərurlu İsfəndiyar yeni biznes layihəsindən danışıb.

News365.az-a müsahibəsində iş adamı bildirib ki, Göygöl rayonunda 30 il əvvəl tikdirmək istəyib. Buna görə də ona məxsus torpaq  sahəsi üçün müvafiq qurumlardan  icazə və sərəncamı da olub. Lakin layihənin reallaşmasına süni əngəllər yaradılıb:

“Əvvəlki İcra hakimiyyəti ilə görüşlərdə heç cür razılığa gələ bilmirdik.  Amma yeni icra başçısı Elvin müəllim layihəyə dəstək göstərib. Onunla görüşdük, keçmişdə olanları  ona dedim, güldü və dedi ki " Siz dövlətdə pulunuzu keçirin və heç kimə 1 manat vermədən işləyin". Mən əvvəl inanmadım, amma qısa müddətdə bütün icazələr alındı və sənədlər düzəldi. Mən də soruşdum ki, “sizin üçün nə edə bilərəm?”, dedi ki, “heç nə – bura işləməyə gəlmişəm”.

İş adamı layihənin həyata keçməsi ilə həm öz izini qoymaq, həm də insanlara iş yeri yaratmaq məqsədini vurğulayıb.