HƏMAS 34 girovu azad etməyə razılaşıb - “Asharq” telekanalı

Fələstinin Həmas hərəkatı Qəzza zolağında İsraillə əldə olunan atəşkəs razılaşmasının birinci mərhələsi çərçivəsində 34 girovu azad etməyə razılaşıb. Bu barədə “Asharq” telekanalı hərəkatdakı mənbəyə istinadən məlumat yayıb.

İsrailin təqdim etdiyi və HƏMAS-ın təsdiqlədiyi siyahıda bir yaşlı uşaq da daxil olmaqla hərbçilərin, mülki şəxslərin və azyaşlıların adları var.

Təşkilatın anonim nümayəndəsi kanala bildirib ki, siyahı “əvvəlki danışıqların sonuncu raundunda razılaşdırılmış xüsusiyyətlərə cavab verir və qadınları, xəstələri, uşaqları əhatə edir”.

Mənbə vurğulayıb ki, qrupa bu siyahıdan kimin hələ də sağ olduğunu öyrənmək üçün təxminən bir həftə vaxt lazımdır.

Tural