SOCAR-ın Türkiyə hədəfləri

SOCAR Türkiyədə yeni neft-kimya sktoruna investisiyasını 7 milyard dollara çatdırmağı hədəfləyir.

SOCAR indiyə qədər Türkiyə iqtisadiyyatına ümumilikdə 18,5 milyard dollarlıq sərmayə yatırıb və bu proses nəticəsində 10 min insanı işlə təmin edib. Bu, şirkətin Türkiyədəki iqtisadi və sosial inkişafa verdiyi faydanın göstəricisidir.

SOCAR-ın Türkiyə bazarındakı əsas strateji hədəflərindən biri də qazpaylayıcı şəbəkələr vasitəsilə pərakəndə satışın genişləndirilməsidir. Bu istiqamətdə SOCAR, Kayseri və Bursa şəhərlərində 209 milyon dollar məbləğində investisiya həyata keçirib. Bu investisiyalar, qazpaylayıcı şəbəkələrin inkişaf etdirilməsi ilə yanaşı, yerli əhali üçün yeni iş imkanlarının yaradılmasını və enerji infrastrukturunun daha da gücləndirilməsini təmin edir.

SOCAR-ın Türkiyədəki fəaliyyətləri yalnız iqtisadi sahədə deyil, həm də enerji təhlükəsizliyi və texnoloji inkişaf baxımından əhəmiyyətlidir. Şirkət STAR neft emalı zavodu və Petkim kimi iri müəssisələri ilə Türkiyənin sənaye potensialını artıraraq, ölkənin xarici enerji asılılığını azaltmaqda mühüm rol oynayır.

Bu miqyaslı investisiyalar SOCAR-ın regionda ən iri xarici investor mövqeyini daha da gücləndirir və Türkiyə ilə Azərbaycan arasındakı iqtisadi əməkdaşlıq əlaqələrini daha da dərinləşdirir.

Aqil Məmmədov, ekspert