"Ulduz" stansiyasında sərnişin relsin üzərinə düşdü

Bu gün saat 21:30 radələrində Bakı Metropoliteninin “Ulduz” stansiyasında qatar platformaya daxil olan zaman sərnişin relsin üzərinə düşüb.

Bu barədə news365.az-a Bakı Metropoliteni QSC-dən bildirilib.

İlkin məlumata əsasən, sərnişin hadisə nəticəsində ağır xəsarət alıb.

Sərnişinlər dərhal qatardan düşürülüb və yüksək gərginlik bərpa edildikdən sonra qatar "Nərimanov" stansiyasından elektrik deposuna yola salınıb.

Yaşıl və Qırmızı xətlər üzrə 17 dəqiqə yubanma qeydə alınıb.

İlkin tibbi yardım göstərildikdən sonra sərnişin tibb müəssisəsinə aparılıb.

Aidiyyəti üzrə araşdırmalar davam etdirilir.

Sərnişinlərdən təhlükəsizlik qaydalarına riayət etmələri və platformalarda hərəkət zamanı diqqətli olmaları xahiş olunur