Həftə sonu yatmaq xeyirli imiş

Bir çox mütəxəssis iş günlərində erkən oyanıb və həftə sonları "yatmaq"ın  ritmlərin pozulması və xroniki xəstəliklərin inkişaf riskini artırdığı ilə razılaşır. Məsələn yuxu rejimlərində qəfil dəyişiklik bədəndə uyğunlaşmış rejimi pozur.   

News365.az xəbər verir ki, alimlərin son tədqiqatı bəzi məlum versiyaları aradan qaldırıb

Oregon Universiteti və Nyu-York Dövlət Universiteti Tibb Məktəbinin tədqiqatçıları həftə sonları daha çox yatmağın yeniyetmələr və gənclər üçün faydalı olduğu qənaətinə gəliblər. Sən demə bu, depressiya riskini azalda bilir. Nəticələr göstərib ki, həftə sonları itirilmiş yuxunu kompensasiya edən 16-24 yaşlı iştirakçılarda depressiv simptomların nisbəti, bunu etməyənlərə nisbətən 41% daha aşağı olub. 

Alimlər vurğulayırlar ki, hər gecə 8-10 saat yuxu optimaldır, lakin real həyatda bu, çox vaxt əldə edilə bilməz. Yeniyetməlik dövründə sirkadian ritmlərin dəyişməsi və iş günlərində xroniki yuxu çatışmazlığı nəzərə alınmaqla, həftə sonları daha uzun yuxu qismən zehni sağlamlığı qoruya bilər. Lakin, mülayimlik vacibdir. Oyanma vaxtlarında böyük fərqlər həqiqətən də mənfi təsirlərlə əlaqələndirilir. Bununla belə, yuxu rejimində kəskin dəyişiklik olmadan əlavə bir saat yarım yuxu, xüsusən də zehni sağlamlıq üçün faydalı görünür.