"Ermənistan konstitusiyada dəyişiklik etmək istəmirsə və sülh prosesində Azərbaycanın təklif etdiyi şərtləri qəbul etmək istəmirsə görünən odur ki, sülh prosesi uzanacaqdır".
Politoloq Rüstəm Tağızadə bunu News365.az-a açıqlamasında deyib.
"Azərbaycan və Ermənistan arasında sülh prosesinin gecikməsinin səbəblərindən biri kimi Ermənistan konstitusiyasında dəyişikliyin olmaması konstitusiyada Azərbaycana qarşı ərazi bütövlüyü iddiaları vardır. Bundan başqa da Ermənistanın daxilində Azərbaycana qarşı əsassız iddialar vardır. Guya Azərbaycan tərəfi yeni ərazilər əldə etmək istəyir və Azərbaycanın təklif etdiyi sülh paketini dünyaya başqa cür çatdırır. Məsələ burasındadır ki, əgər Ermənistan konstitusiyada dəyişiklik etmək istəmirsə və sülh prosesində Azərbaycanın təklif etdiyi şərtləri qəbul etmək istəmirsə görünən odur ki, sülh prosesi uzanacaqdır"- deyə politoloq vurğulayıb.
Vəfa Vəliyeva, News365.az