İsrail əsgərləri 20 fələstinlini əsir götürüb
Dünya
03 İyl 2024 23:48
İsrail əsgərləri İordan çayının qərb sahilində 20 fələstinlini əsir götürüb.
Fələstin Əsirlər Dərnəyi ilə Fələstin Azadlıq Təşkilatına bağlı Əsir və Azad Edilən Heyət tərəfindən verilən ortaq açıqlamada İsrail əsgərlərinin işğal altındakı İordan çayının qərb sahilində hücumlarını davam etdirdiyi bildirilib.
İsrail ordusunun son 24 saat ərzində İordan çayının qərb sahilindəki Hebron, Cenin, Qalkilya, Nablus, Ramallah, Yerixo və Qüds şəhərlərində ən azı 20 fələstinlini əsir götürdüyü bildirilib.
7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumlarında 136-sı uşaq olmaqla 560 fələstinli həyatını itirib, təxminən 5300 fələstinli isə yaralanıb.
Youtube kanalımız
