General-polkovnik ürək çatışmazlığından vəfat etdi

Rusiyanın sabiq müdafiə nazirinin müavini, general-polkovnik Yuri Sadovenko 56 yaşında Moskvada dünyasını dəyişib.

News365.az xəbər verir ki, məlumata görə, o, dekabrın 25-də ürək xəstəliyi səbəbindən vəfat edib.

Sadovenko karyerası boyunca Sergey Şoyqu ilə sıx əməkdaşlıq edib. O, Şoyqunun Fövqəladə Hallar naziri olduğu dövrdə köməkçisi, Moskva vilayətinin qubernatorluğu zamanı isə aparat rəhbəri kimi fəaliyyət göstərib. Şoyqu müdafiə naziri təyin edildikdən sonra Sadovenko da nazirlikdə vəzifə alıb və 2024-cü ilin mayında postundan ayrılıb.