Ermənistanda ağır qəza: 13 nəfər xəstəxanalıq oldu

Ermənistanda ağır avtoqəza baş verib. Bu barədə yerli media və Telegram kanalları məlumat yayıb.

Qeyd edilib ki, hadisə şahidləri zərərçəkmişlərə ilkin tibbi yardım göstəriblər. Xilasedicilər isə sıxılmış vəziyyətdə qalan iki sərnişini salondan çıxarıblar. Hadisənin baş vermə şəraiti müəyyənləşdirilir.

"Shamshiyan" kriminal xəbər saytının yaydığı məlumata görə, Aparan-İrəvan mikroavtobusunun qəzaya uğraması nəticəsində 13 nəfər xəsarət alıb. Ağır bədən xəsarətləri alanlar xəstəxanaya yerləşdiriliblər. Ümumilikdə isə avtobusda 15 nəfər olub.

"Mənbəmizin verdiyi məlumata görə, saat 13:50 radələrində “QAZel” markalı avtomobil yolun hərəkət hissəsindən çıxaraq yol kənarındakı dərəyə aşıb", - nəşr yazıb. Bəzi saytlar yazıblar ki, xəstəxanaya yerləşdirilənlər arasında vəziyyəti ağır olanlar var.

Tural