Ermənilər Qərbi Azərbaycana nə zaman köçürülüb? - AÇIQLAMA

Ermənilər Qərbi Azərbaycana nə vaxt köçürülüb? Bu proses əslində nə zaman başlayıb? Bu barədə Sosial Tədqiqatlar Mərkəzinin sektor müdiri Əfqan Əliyev Qərbi Azərbaycan TV-də açıqlama verib.

News365.az həmin açıqlamanı təqdim edir:

“Dünyada gedən siyasi proseslər nəticəsində, qlobal müharibələr və dünyanın yenidən bölüşdürülməsi uğrunda aparılan mübarizədə, 1805-ci ildə bağlanan Kürəkçay müqaviləsi ilə Qərbi Azərbaycana İranın Xoy, Salmas ərazisindən ilk erməni köçü həyata keçirilib. Ondan sonrakı dövrdə, 1813-cü ildə imzalanan Gülüstan sülh müqaviləsi ilə İranın Xoy, Salmas, Mazandaran əyalətlərindən ermənilərin yenidən Qərbi Azərbaycana köçü baş verdi. Daha sonrasında 1828-ci ildə Türkmənçay müqaviləsi ilə köçürülən ermənilərin sayı artırılıb və onlar Azərbaycanlıların əzəli yaşadığı Qərbi Azərbaycan ərazisinə yerləşdirilib.

Çar Rusiyasının əraziyə hakim olması və ərazi strukturunun formalaşmağa başlamasından sonra, 1829-cu ildə imzalanan Ədirnə sülh müqaviləsi nəticəsində Türkiyənin Şərqi Anadolu ərazisindən çox sayda erməni əhalisinin Qərbi Azərbaycana kütləvi köçü həyata keçirilib. Bununlada, ərazidəki ermənilərin sayı mexaniki qaydada artıb.

Türkiyənin Şərqi Anadolu ərazisində dövlət qura bilməyən ermənilər öz məkrli planlarını Qərbi Azərbaycanda həyata keçirmək üçün əraziyə köçürülüb. Silahlanmış erməni dəstələri əraziyə yerləşdikdən sonra orada terror təşkilatları qurmuşdu. Onlar Azərbaycan əhalisini sıxışdırıb çıxararaq özləri üçün yeni məkan, dövlət qurmağa görə yeni bir ərazi iddiasına başlamışdılar.” – deyə o öz açıqlamasında qeyd edib.