Milli Məclisin saxlanılmasın 2025-ci ildə bu qədər vəsait xərclənəcək

Xəbər verdiyimiz kimi noyabrın 18-dən etibarən Milli Məclisin komitələrində 2025-cü ilin Dövlət Büdcəsinin layihəsi müvafiq dövlət qurumlarının iştirakı ilə müzakirə edilir. Müzakirələr zamanı bəzi maraqlı məqamlar ortaya çıxıb.

News365.az xəbər verir ki, məlum olub ki, Milli Məclisin və onun aparatının 2025-ci ildəki xərclər smetası 51 milyon 851 min 447 manat olacaq.

Həmin vəsaitin 29 milyon 396 min 34 manatı ştatda olan işçilərin əməkhaqqına, 2 milyon 235 min 143 manatı əməyin ödənişi ilə bağlı digər pul ödənişlərinə, 121 min 40 manatı ölkədaxili ezamiyyətlərə, 2 milyon 300 min  manatı isə xarici ezamiyyətlərə xərclənəcək. Həmçinin bəzi deputatların kirayə haqqına və digər xərclərinə 26 min 400 manat vəsait nəzərdə tutulub.

Diqqət çəkən bəzi xərclər də var. Məsələn, Milli Məclis əməkdaşlarının və deputatların beynəlxalq telefon danışıqları üçün 40 min manat, internet xidməti üçünsə 105 min 362 manat xərc proqnozlaşdırılır.

News365.az