Əmircanov ulduz futbolçu ilə görüşdü

Azərbaycan millisinin sabiq üzvü Ruslan Əmircanov Madrid “Real”ının akademiyasında təcrübə keçib.

O, ispan klubunun düşərgəsində madridlilərin əfsanələrindən olan Marselo ilə görüşüb.

R.Əmircanov bu barədə feysbuk hesabında paylaşım edib: “Real Madrid” akademiyasının qonağı oldum. Mənim üçün çox möhtəşəm bir təcrübə idi. U-14 və U-11 komandalarının məşq prosesini izlədim. Uşaqların məşqə yanaşmaları, düşüncələri, məşq zamanı verdikləri qərarlar fərqlidir. Yaşlarının az olmasına baxmayaraq, peşəkarlıqlarını gördüm”.