Əfqanıstanda güclü qar və leysan - 60-dan çox insan öldü

Güclü qar yağışı və leysan yağışlar nəticəsində Əfqanıstanda 61 nəfər ölüb.

News365.az xəbər verir ki, bu barədə Əfqanıstanın Fəlakətlərin İdarə Edilməsi Agentliyi məlumat yayıb.

Məlumatda deyilir: "Son üç gündə qar və yağış nəticəsində baş verən itkilər və dağıntılar barədə ilkin məlumatlar hazırlanıb. Buna görə, 61 ölü, 110 yaralı var. 458 ev qismən və ya tamamilə dağılıb".

İnsanlar əsasən çərşənbə və cümə günləri arasında ölkənin mərkəzi və şimal əyalətlərində ölüblər.