DEM Partiya heyəti Abdullah Öcalanla görüşüb

DEM Partiya heyəti Abdullah Öcalanla görüşüb.

News365.az xəbər verir ki, Türkiyə Böyük Millət Məclisində (TBMM) “proses” komissiyasının yaradılmasından sonra DEM Partiya heyəti ilk dəfə İmralıda həbsdə olan PKK rəhbəri Abdullah Öcalanla görüş keçirib.

Partiyadan verilən açıqlamada bildirilir ki, 28 avqust 2025-ci il tarixində baş tutan görüş üç saat davam edib. Heyətin məlumatına görə, Öcalan sağlam və əhval-ruhiyyəli olub, sülh və demokratik cəmiyyət prosesi ilə bağlı geniş dəyərləndirmələr aparıb.

Öcalan çıxışında demokratik cəmiyyət, sülh və inteqrasiyanın prosesin əsas anlayışları olduğunu, bu istiqamətdə yeni mərhələyə keçidin vacibliyini vurğulayıb. Onun sözlərinə görə, seçimi hər zaman “demokratik respublika və demokratik cəmiyyət əsaslı inteqrasiya” olub.

DEM Partiyanın açıqlamasında həmçinin qeyd edilib ki, Öcalan xalqlar arasında əbədi dostluq və sülhə olan inamını bir daha ifadə edib.

News365.az 

Hadisə ilə bağlı əlavə məlumat verilməyib.