Bu il DSMF-nin xərcləri nə qədər olub?

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) gəlirləri bu ilin 11 ayında proqnozla müqayisədə 6 faiz və ya 358 milyon manat çox olmaqla 6 milyard 1 milyon manat təşkil edib. 

Nazirlikdən  verilən məlumata görə, Fondun gəlirləri tərkibində məcburi dövlət sosial sığorta daxilolmaları yanvar-noyabr aylarında proqnozla müqayisədə 8 faiz və ya 358 milyon manat artaraq 4 milyard 644 milyon manat olub. 

Bu ilin 11 ayında DSMF-nin xərcləri 5 milyard 556 milyon manat təşkil edib ki, bu da ötən ilin müvafiq dövrünə nisbətən 16 faiz və ya 759 milyon manat çoxdur.