Beynəlxalq arenada "qurşaqdan aşağı" mübarizə başlayır...- Tural İrfan yazır

Təbii ki, Trampın hakimiyyətə gəlməsində İsrail lobbisi və dövlətinin ABŞ dərin dövləti ilə tərəddüdlü də olsa razılaşması olub. Çünki seçki ərəfəsində Trampa qarşı mütəmadi olaraq sui-qəsdlərin baş verməsi pərdə arxasındakı ziddiyyətlərin, bəlkə də fikir savaşlarının təzahürü idi.

Hazırda isə Tramp sanki öhdəliklərini reallaşdırmağa ya tələsir ya da tələsdirilir. İrana müdaxilə məsələsində şahzadə ilə münasibət də İsrailin planı ilədir. Çünki illər öncə Netanyahu bu mövzuda farslara müraciət etmiş, İranı fars dövləti adlandırmışdı. İsrailin Qəzzanı tam götürməsi naminə İranın özündən və proksilərindən yaxa qurtarmaq üçün Tramp tələsdirilir. Təbii ki, ABŞ-nin öz planları da var. Amma əsas plan bunun üzərindən cərəyan edir. İran rejiminin xalqına qarşı genosid törətməsi də müdaxiləyə zəmin yaradır. Nüvə enerjisi, uzaqmənzilli raketlər məsələsi əslində həllini tapması mümkün olan məsələlərdir. Burada əsas olan İsrailin təkididir. Görünür ki, ABŞ dərin dövlətində İsrail təsirindən münəzzəh olan çevrələr, habelə Pentaqon Ttampı bu müharibədən çəkinməyə çağırırlar, hətta təsir edirlər. Trampın tərəddüdünə səbri tükənən müharibə tərəfdarları və İsrail isə bu tərəfdən "Epşteyn dosyası"nı açıb ağsaqqalı karıxdırmaq istəyirlər ki, qızdır-basdırla İranı bombalasın ki, tozanaq qalxıb dosya yaddan çıxsın.