Ankara məhkəməsinin CHP qərarı Türkiyə siyasətində böhran yaradıb

Ankara Məhkəməsi Türkiyənin Republican People's Party-nin 4–5 noyabr 2023-cü ildə keçirilən 38-ci qurultayının nəticələrini ləğv edib. Qərara əsasən, partiyanın sədri Özgür Özel vəzifədən kənarlaşdırılıb, sabiq sədr Kemal Kılıçdaroğlu isə qərar qüvvəyə minənədək müvəqqəti olaraq rəhbərliyə qaytarılıb.

Məsələ ilə bağlı News365.az-a açıqlama verən politoloq Turan Rzayev bildirib ki, CHP daxilində Özgür Özel–Kemal Kılıçdaroğlu qarşıdurması yeni deyil və 2023-cü il qurultayından sonra dərinləşib. Onun sözlərinə görə, həmin qurultayda Kılıçdaroğlunun məğlubiyyəti partiya daxilində güc balansını dəyişib və yeni rəhbərliyin formalaşmasına gətirib çıxarıb.

Rzayev qeyd edib ki, qurultayla bağlı Lütfü Savaş və bir qrup nümayəndə tərəfindən irəli sürülən iddialar — nümayəndələrə təzyiq, qanun pozuntuları və seçkiyə müdaxilə — sonradan prokurorluq araşdırmasına səbəb olub və “seçki saxtalaşdırılması” ittihamı ilə cinayət işi açılıb. Məhkəmənin qərarı da məhz bu prosesin nəticəsi kimi qiymətləndirilir.

Politoloqun fikrincə, qərar CHP daxilində ciddi siyasi gərginlik yaradıb. O bildirib ki, bir tərəf bunu hüquqi proses kimi qəbul etsə də, digər tərəf siyasi müdaxilə hesab edir. Özgür Özelin fövqəladə toplantı keçirməsi və geri çəkilməmək mesajı verməsi isə partiyada qarşıdurmanın davam etdiyini göstərir.

Rzayev həmçinin vurğulayıb ki, Justice and Development Party üçün bu proses siyasi üstünlük yarada bilər. Onun sözlərinə görə, müxalifət daxilindəki parçalanma hakim partiyanın mövqeyini gücləndirə bilər.

Politoloq əlavə edib ki, hazırkı vəziyyətin Türkiyədə siyasi balanslara təsir edəcəyi və CHP daxilində yeni qurultay və ya rəhbərlik dəyişikliklərinin gündəmə gələ biləcəyi istisna edilmir.