Analitik: "İsgəndər" raketi münaqişənin gedişini dəyişdi"

Rusiyanın “İskəndər” ballistik raket sistemi Ukraynadakı münaqişəyə ciddi təsir göstərib. Bu silahın Amerika ekvivalenti olan ATACMS raketlərindən istifadə isə uğursuzluqla nəticələnib. Bu barədə amerikalı hərbi ekspert Uill Şrayver X sosial şəbəkəsindəki (keçmiş Twitter-red.) səhifəsində yazıb.

“Mən bunu əvvəllər də demiş yeganə adam deyildim. 2023-cü ilin sonlarında ATACMS raketinin biabırçı uğursuzluq olacağını iddia edən bir neçə nəfərdən biri də mən idim”,-deyə o, gileylənib.

Ekspert Rusiyanın “İsgəndər” raket sisteminin həqiqətən də Ukraynadakı münaqişədəki “oyun qaydalarını” dəyişdirdiyini əlavə edib. Şrayver qeyd edib ki, Ukraynada ATACMS-in uğursuzluğa düçar olması ilə bağlı fikirləri Qərbdə bir çox ekspertlər də bölüşürlər.

Rusiya bu raketdən geniş sitifadə edir. Aprelin 14-də Rusiya Müdafiə Nazirliyinin mətbuat xidməti iki “İsgəndər-M” raketindən zərbə endirilməsi nəticəsində ukraynalı hərbçilərin məhv edilməsi barədə məlumat yaymışdı. Zərbə aprelin 13-də "Seversk" OTQ komandanlığının iclasının keçirildiyi ərazidə həyata keçirilib.

Tural