Ali məktəblərə muxtariyyətin verilməsi təklif olundu

"Universitetlərdə bəzi ixtisaslarımız bazarın tələblərinə uyğun gəlmir".

News365.az xəbər verir ki, bu fikirləri Milli Məclisin Elm və təhsil komitəsinin üzvü Vasif Qafarov bugünkü iclasda deyib.

O bildirib ki, texnologiyalar, ətraf mühit dəyişir və yeni qlobal tendensiyalar var:

"Sual yaranır: Biz bu tendensiyalara nə qədər uyğunlaşa bilirik? Bəlkə də hansısa sahələrdə universitetlərə daha çox muxtariyyət vermək olar ki, onlar çevik formada yeni ixtisaslar aça bilsinlər".