"İrrasional yanaşma şəxsiyyət yetişdirmək missiyasını itirir”- Ekspert

“ABŞ prezidenti Barak Obama 2009-cu ildə pedaqoqlar qarşısında etdiyi çıxışında Cənubi Koreya təhsil sistemini tərifləmişdi: "Bizim uşaqlar hər il Cənubi Koreya uşaqlaraından bir ay az dərs keçirlər." O, amerikanlara belə bir çağırış etdi: "Təkcə məktəbdənkənar proqramları genişləndirmək bəs etmir, həm də məktəb günlərini elə planlaşdırmaq lazımdır ki, dərslər üçün çox vaxt ayrılmış olsun."”

News365.az xəbər verir ki, bunu təhsil üzrə ekspert Etibar Əliyev deyib. O, əlavə edib ki, bizdə dərslər sentyabr ayının 15-də başlayır:

“İki həftə buradan itiririk. Dövlət İmtahan Mərkəzi mart ayının əvvəllində Buraxılış imtahanları keçirməyə başlayır. Buraxılış imtahanlarından sonra yuxarı siniflərdə davamiyyət kəskin şəkildə aşağı düşür. İmtahana köklənmiş təhsil sistemində məktəbdə dərs müddəti anlayışı formal xarakter daşıyır. Bizim təhsil sistemində kurslarda və repetitor yanında hazırlığın müddəti daha böyük önəm kəsb edir. Valideyinlər böyük məbləğdə pul xərcləməyə məcbur olurlar. Məktəb artıq yalnız attestat verən təsisata çevrilib. Tətilləri də nəzərə alsaq uşaqlar 6 aydan çox məktəbdə dərs keçmirlər.

Bu cür irrasionallıq buruluğanına düşən məktəb vacib funksiyalarını (zəruru biliklər vermək, tərbiyə etmək və fiziki hazırlığı gücləndirmək) itirməklə şəxsiyyət yetişdirmək missiyasını itirir”.

News365.az