”Yəqin ki, zamanla biz qadınların da icra başçısı vəzifəsində çalışmalarını görəcəyik”- Deputat
Xəbər verdiyimiz kimi ötən gün Prezident
İlham Əliyevin sərəncamları ilə Naxçıvanda Prezidentin yeni səlahiyyətli nümayəndəsi
və bir sıra rayonlara icra hakimiyyətləri başçıları təyin olunub.
Maraqlıdır ki, təyinat alanlar arsında zərif
cinsin nümayəndələri yoxdur. Ümumiyyətlə rayon icra hakimiyyəti başçıları
arasında da qadınlara rast gəlinmir.
Mövzu ilə bağlı fikirlərini News365.az -lə bölüşən
Millət vəkili Elşad Musayev deyir ki, ictimai həyatımızın müxtəlif sahələrində
qadınların rəhbər vəzifədə çalışması faktları çoxdur:
“Təbii
ki, istərdik ki, digər sahələrdə olduğu kimi icra başçıları sırasında da
qadınlar olsun. Amma görünür bu sahədə daha çox rayonların xüsusiyyətləri nəzərə
alınır. Ona görə kişilərə üstünlük verilir. Yerli idarəetmə və icra orqanları
ilə bağlı müəyyən islahatlar gözlənilir. Və növbəti addımlarda qadınların
rəhbər vəzifələr tutmasında heç bir əngəl yoxdur.Yəqin ki, zamanla biz
qadınların müxtəlif rəhbər vəzifələrdə, o cümlədən də icra başçısı vəzifəsində
çalışmalarını görəcəyik”.
News365.az
